Direktør med stab (DIR)
Direktøren blir peikt ut av Kongen i statsråd og er øvste leiar for DSS. Direktørstillinga i DSS er ei åremålsstilling og rapporterer til Fornyings-, administrasjons- og kyrkjedepartementet.
Stabsavdeling for styring, analyse og strategi (SAS)
Stabsavdelinga for styring, analyse og strategi har 19 medarbeidarar. SAS har ansvar for desse områda i DSS: virksomhetsanalyse og økonomistyring, intern revisjon, rekneskap, portefølgestyring, prosjektkoordinering og strategiarbeid. SAS arbeider med kundeoppfølging, brukarundersøkingar, marknadsføring og utvikling av eksisterande og nye tenester og produkt. Avdelinga har ei godt fungerande kontaktflate med departementa, slik at departementa er sikra ei god oppfølging av tenestenivå og fagleg deltaking i den vidare utviklinga av tenestene. SAS har også redaktøransvaret for nettstaden på Internett (DSS-web), ekstranettet for departementa (Depweb) og intranettet (iDSS).
Stabsavdeling for Human Recources (HR)
Stabsavdelings for Human Recourses har 14 medarbeidarar. HR arbeider i hovudsak med desse kompetanseområda: inkluderande arbeidsliv (IA), tryggleik og driftsberedskap, helse, miljø og tryggleik (HMT), leiings- og kompetanseutvikling og lønns- og personalforvaltning. HR har også ansvaret for arkivet og sekretariatet i DSS. Arkivet har ansvaret for all innregistrering og lagring av post/dokument dessutan saksbehandling i medhald av arkivlova, offentlegheitslova og forvaltningslova. DSS-sekretariatet utfører tenester for direktør, avdelingsdirektør og stabane.
Fellestenesteavdelinga (FTA)
Fellestenesteavdelinga har ca. 90 tilsette som er fordelte på seksjonane Post og logistikk, Reinhald og miljø, Møte- og konferanseseksjonen, Eigedomseksjonen samt Fellestenesteavdelinga sitt brukarsenter, skanning og distribusjon.
Avdelinga leverer driftsadministrative fellestenester til departementa:
- Postdistribusjon
- Konferanse- og møteromstenester
- Dagleg reinhald
- Flyttetenester
- Skanning- og logistikktenester
- Miljørådgiving
- Distribusjon, lagring og ekspedering av offentlege publikasjonar.
Informasjons- og kommunikasjonsteknologiavdelinga (IKT)
Avdeling for informasjon og kommunikasjonsteknologi har ca. 110 tilsette fordelte på fem seksjonar: Departementskontroll og intern kontroll, Brukarstøtte, Tenesteproduksjon, Videreutvikling og systemforvaltning samt Rådgjeving og tenesteutvikling. Avdelinga har ansvaret for IKT-løysingar i dei fleste departementa, og ei rad sentrale IKT-løysingar for dei andre departementa og nokre verksemder.
Tenestene omfattar:
- Sentrale nett-tenester og felles Internett-aksess
- Lokale IKT-løysingar i departementa
- Telefon- og teletenester
- Drift av tenarmaskinar og databasar
- E-post og gruppevare
- Fjernaksess
- Kabel-TV
- Katalogtenester
- Videokonferansar og audiovisuelle tenester
- Elektronisk saksbehandlingssystem
Viktige utviklingsprosjekt:
- Redundante nettverksløysingar
- Identity Management (IDM) for sentral styring av brukaridentitet
- Klargjering
Informasjonsforvaltningsavdelinga (IFA)
Informasjonsforvaltningsavdelinga har ca. 70 medarbeidarar. Avdelinga er organisert i fire seksjonar: Web, Grafisk, Seksjon for informasjonstenester og brukarstøtte og Statens servicesenter i Engerdal.
Tenesteområda i avdelinga er:
- Papirutgiving og webløysing for Statens personalhåndbok og Norges statskalender
- Portalredaktør- og tenesteansvar for regjeringa.no
- Fellesbiblioteket
- Grafisk designprogram for departementa
- Hustrykkjeri
- Intranettplattform for departementa
- Nett-TV og videoproduksjon på regjeringa.no
- Sentralbord for departementa
- Sentralbord og servicesenter for 10 statlege verksemder
Kontortenesteavdelinga (KTA)
Kontortenesteavdelinga (KTA) har 65 medarbeidarar. Avdelinga er organisert i fire seksjonar: DepØk (lønns- og rekneskapstenester), DepKjøp (innkjøpstenester), og PU (prosjektleiing og -utvikling).
KTA utfører administrative tenester for departementa, Statsministers kontor og eigne interne brukarar i DSS innanfor:
- Innkjøp
- Lønn og rekneskap
Tryggingstenesteavdelinga (SAV)
Tryggingstenesteavdelinga har 130 medarbeidarar og 30 reservevakter. Avdelinga er organisert i fire seksjonar: Vakttenesta, Resepsjonstenesta, Teknisk sikring og Bedriftshelsetenesta.
Tenesteområda for avdelinga:
- Sikre tryggleiks- og resepsjonsoppgåver i Regjeringskvartalet, Utanriksdepartementet, Miljøverndepartementet og Noregs Høgsterett.
- SAV står dessutan for vakthaldet ved statsministerbustaden.
- Bedriftshelseteneste til departementsfellesskapet.