Formål
DSS skal vere eit kompetent og effektivt administrativt verktøy for regjeringa.
Mål
- DSS skal betene departementa med fellesteneste tilpassa behova deira, og med avtalt innhald og kvalitet.
- DSS skal ha eit kompetent fagmiljø på sine tenesteområde, og tenestene våre skal gi reell og opplevd nytte i departementa.
- I samarbeid med departementa skal DSS vere ein pådrivar for gode og kostnadseffektive fellestenester.
Strategi 2011–2013
Strategidokument for 2011-2013 (pdf-format)
Verdiar
Brukarorientering – brukarane er medspelarane våre
- Vi planlegg og prioriterer ressursane våre målretta og realistisk med utgangspunkt i dei noverande og framtidige behova til brukarane.
- Vi legg vekt på nær brukarkontakt og involverer brukarane i utvikling av tenestene.
- Servicen vår medverkar til arbeidsglede hos brukarane våre.
Kvalitet – er varemerket vårt
- Vi sikrar at tenestene vi leverer, er i samsvar med tenestebeskrivingane våre og dei tenesteavtalane vi har gjort.
- Vi utviklar kompetanse og fagmiljø slik at tenestene våre er tidsmessige, konkurransedyktige og etterspurde.
Heilskap – felles mål – mange bidrag
- Vi utnyttar den samla kompetansen vår, slik at tenestene våre blir så gode som mogleg.
- Vi sikrar eit godt samarbeid ved å involvere kvarandre, ta initiativ og vere lyttande og opne.
Tillit – er grobotn for openheit og positive forventningar
- Alle medarbeidarar har ein eigenverdi og krav på omsorg og respekt.
- Arbeidsmiljøet vårt er prega av tryggleik og open meiningsutveksling.
- Vi arbeider for at alle blir høyrde, og gir kvarandre nok informasjon, rettleiing og tilbakemelding.
Lojalitet – vi speler på same lag
- Vi arbeider med kvarandre i gjensidig respekt for meiningane, ønska og behova til kvarandre.
- Vi følgjer opp mål og forventningar frå Fornyings- og administrasjonsdepartementet.
- Alle følgjer sin rett og si plikt til å uttrykkje synspunkt som dei meiner er viktige for DSS. Så arbeider ein for at avgjerdene blir gjennomførte.