Om personvernerklæringa
Personvernerklæringa tar for seg korleis Tryggings- og serviceorganisasjonen til departementa (DSS) samlar inn og brukar informasjon som blir fylt ut av personar og verksemder som ønskjer tilgang som DSS-kjend leverandør eller gjennom ordning for gardeigarar/næringsdrivande. Erklæringa inneheld informasjon du har krav på når det blir samla inn opplysningar gjennom desse ordningane (personopplysningslova § 19) og generell informasjon om korleis vi behandlar personopplysningar (personopplysningslova § 18 1. ledd).
Ansvar
DSS, ved direktøren, er behandlingsansvarleg for opplysningar som blir samla inn i samband med ordninga DSS-kjend leverandør eller ordninga for gardeigar/næringsdrivande innanfor sikringssona til Regjeringskvartalet.
Behandlinga skjer i tråd med personopplysningslova, irekna EUs personvernforordning og tilhøyrande forskrifter.
Formål
Formålet med innhentinga av informasjon er å få oversikt over aktuelle kandidatar innanfor logistikk til regjeringskvartalet, saksbehandlinga opp mot aktuelle avtaler og tilgang til system knytte opp mot desse.
Behandlingsgrunnlag
Behandlinga er nødvendig for å utføre ei oppgåve som er av interesse for ålmenta og utøve offentleg myndigheit. Behandlingsgrunnlaget for å samle inn opplysningane er personopplysningslova artikkel 6 nr. 1 e, og å ta hand om krav etter tryggleikslova § 7-1 og 7-3.
Om ordninga
Sikker logistikk Regjeringskvartalet blir administrert av DSS for å sikre effektiv og sikker tilgang for transportørar/leverandørar, gardeigarar og næringsdrivande som skal utføre oppdrag innanfor sikringssona (perimetersikringa) til Regjeringskvartalet. DSS har det overordna ansvaret for drift, forvaltning og behandling av personopplysningar i løysinga.
Kva for opplysningar blir registrerte
Denne informasjonen blir registrert i samband med sikker logistikk Regjeringskvartalet:
- Informasjon om rekvirent (organisasjon).
- Namn, telefonnummer, e-postadresse, leverandørtilknyting og rolle.
- Informasjon om kven som er mottakar og/eller avsendar innanfor sikringssona.
- Overordna informasjon om logistikkflyt for transportørar/leverandørar, gardeigarar og næringsdrivande.
Det blir ikkje samla inn sensitive opplysningar.
Korleis opplysningane blir brukte
Opplysningane blir brukte til kontakt med leverandørrepresentantar/gardeigarar/næringsdrivande, kontroll av tilgangsrettar og oppfølging av leverandørstatus. Opplysningane blir ikkje delte med tredjepartar utan heimel eller tenestebehov. Tredjepart sikker logistikk Regjeringskvartalet vil vere APX-systems AS.
Lagring og sletting
Opplysningane blir lagra lokalt i samband med inngåtte avtaler eller avslåtte førespurnader. Informasjon som ikkje er knytt direkte til ei inngått avtale, vil berre innehalde opplysningar om verksemd/organisasjon. Registrerte opplysningar blir anonymiserte etter at tilknyting eller registrering er avslutta.
Tilgang og tryggleik
Tilgangen er avgrensa til autoriserte saksbehandlarar. Opplysningar blir lagra på DSS’ sikre plattform med tilgangsstyring, logging og kryptert kommunikasjon.
Dine rettar
Sjå Personvernerklæring for Tryggings- og serviceorganisasjonen til departementa.
Personvernombod
Sjå Personvernerklæring for Tryggings- og serviceorganisasjonen til departementa.
Personvernerklæring for Tryggings- og serviceorganisasjonen til departementa – DSS – Saman for fellesskapet
Kontaktinformasjon: personvernombud@dss.dep.no
Endringar i erklæringa
Denne erklæringa vil bli oppdatert ved vesentlege endringar i prosess eller regelverk.