DSS er underlagt Digitaliserings- og forvaltningsdepartementet (DFD). DSS har i 2026 ei inntekt på 930 mill. kroner, og ei brukarbetalt inntekt på 90 mill. kroner. Talet på årsverk: 633.
DSS er organisert i fem tenesteytande avdelingar.
Direktøren blir utnemnd av Kongen i statsråd og er øvste leiar for DSS. Direktørstillinga i DSS er ei åremålsstilling og rapporterer til Digitaliserings- og forvaltningsdepartementet.
-
Foto: DSS
Torgeir Swensson Strøm
direktør
Torgeir Swensson Strøm er direktør i DSS. Strøm kommer fra en stilling som ekspedisjonssjef i Klima- og miljødepartementet. Han er utdannet siviløkonom, i tillegg til stabsoffiserutdannelse ved Luftforsvarets stabskole. Tidligere har Strøm hatt ulike roller ved Sykehuset Innlandet, blant annet som direktør for virksomhetsstyring og økonomi.
E-post: torgeir.strom@dss.dep.no
Mobil: +47 911 88 811
Avdeling for verksemdsstyring (VIS) har ansvar for heilskapleg styring av DSS, inkludert verksemds- og økonomistyring, tryggleik og beredskap, kundedialog, kommunikasjon, design- og publiseringsrådgiving samt arkiv- og dokumentforvaltning.
Seksjon for kundekontakt og kommunikasjon (KOM)
Seksjon for kundekontakt og kommunikasjon (KOM) har ansvaret for intern og ekstern kommunikasjon i DSS, utviklar kommunikasjonsstrategiar og støttar leiinga i DSS. Seksjonen leverer òg tenesta design- og publiseringsrådgiving til departementa.
Seksjon for tryggleik og verksemdsstyring (SIV)
Seksjon for tryggleik og verksemdsstyring (SIV) har ansvar for styringsdialog, budsjettinnspel, rapportering til DFD, strategi, verksemdsplan, porteføljestyring, avtale¬forvaltning og tryggleiksstyring, inkludert informasjonstryggleik, personvern og klareringssaker.
Seksjon for økonomistyring (ØKS)
Seksjon for økonomistyring (ØKS) er rekneskapsførar for DSS som verksemd. Seksjonen er òg ansvarleg for koordinering av revisjonar, intern rapportering og rapportering og styringsdialog med DFD.
Seksjon for informasjonstenester (SIT)
Seksjon for informasjonstenester (SIT) har ansvar for dokumentforvaltning og arkiv i DSS. Seksjonen leverer òg dokumentforvaltnings- og arkivtenester til Departementa si digitaliseringsorganisasjon (DIO).
Avdeling for service- og fasilitetstenester (SFT) koordinerer DSS sitt bidrag til nytt regjeringskvartal og leverer tenester innan miljøleiing, reinhald, logistikk, kantine, lokale, grafisk produksjon, regjeringsdokument, NOU-ar, statsbudsjettet, bibliotek og representasjon.
Seksjon for reinhald og miljø (REM)
Seksjon for reinhald og miljø (REM) har ansvar for reinhaldet i departementsfellesskapet. Reinhaldet blir utført med utstyr og metodar som sikrar eit kostnadseffektivt reinhald av rett kvalitet og eit godt inneklima.
Seksjon for fasilitetstenester (FT)
Seksjon for fasilitetstenester (FT) har ansvar for FM-tenester som kantine, kaffi, drikkevatn, regjeringa si representasjonsteneste, forbruksmateriell, bod-, post- og varemottak, flyttetenester og oppfølging av departementsfellesskapet sitt felles miljøarbeid.
Seksjon for grafiske tenester (GRAF)
Seksjon for grafiske tenester (GRAF) har ansvar for produksjon av regjeringsdokument, statsbudsjettet og Noregs offentlege utgreiingar (NOU). Seksjonen tilbyr òg layout, design og produksjon av publikasjonar.
Seksjon for service og kontorstøtte (SKO)
Seksjon for service og kontorstøtte (SKO) har ansvar for servicetorget i nytt regjeringskvartal og leverer tenestene arrangement og møtetenester, kontorstøtte, reiseadministrasjon og servicetorg.
Avdeling for mennesker og organisasjon (AMO) har ansvar for HR-tenester og løn i DSS. I tillegg leverer vi fellestenester som kurs og opplæring, organisasjonsutvikling og rekrutteringstenester.
Seksjon for rekruttering (REK)
Seksjon for rekruttering (REK) leverer heilskaplege rekrutteringstenester frå A til Å, med støtte gjennom heile prosessen – inkludert testing, rådgiving og kvalitetssikring. Seksjonen utviklar kurs, driftar rekrutteringsnettverket og styrkjer arbeidsgjevarprofileringa. Målet er profesjonelle og treffsikre prosessar i departementa, SMK, DSS og DIO.
Seksjon for kompetanse og organisasjonsutvikling (KOR)
Seksjon for kompetanse og organisasjonsutvikling (KOR) tilbyr rettleiing, rådgiving og kompetanseutvikling for leiarar og tilsette. Vi utviklar digitale og fysiske opplæringstilbod, fasiliterer prosessar, støttar nye arbeidsformer og bidreg ved innflytting i nytt regjeringskvartal.
Seksjon for HR og arbeidsrett (HRA)
Seksjon for HR og arbeidsrett (HRA) leverer tenester innan personaladministrasjon, HMS og arbeidsrett. Vi tilbyr leiarstøtte, juridisk rådgiving, omstilling, kurs og tiltak for eit trygt arbeidsmiljø, samt støtte i krevjande personalsaker og lønsforhandlingar.
Avdeling for tryggleikstenester (SAV) leverer vakt- og sikringstenester som skal bidra til å oppretthalde funksjonane til departementa. Tenestene inkluderer vakthald, tryggleikskontrollar, resepsjons- og følgjetenester, og forvaltning, drift, vedlikehald og utvikling av sikringssystem til departementa, samt regjeringa sine representasjonslokale og statsministerbustaden.
Seksjon for besøks- og adgangskontroll (BAS)
Seksjon for besøks- og adgangskontroll (BAS) kontrollerer tilgangen til besøkjande og tilsette til departementsfellesskapet, for å sikre materielle verdiar og informasjon som departementa produserer.
Seksjon for leiarstøtte, analyse og beredskap (LAB)
Seksjon for leiarstøtte, analyse og beredskap (LAB) har ansvar for økonomistyring, instruks- og planverk, anskaffingar og kontraktsoppfølging, eining for tryggleiksanalyse, bemanningskoordinering og utdanning/øving, samt ein beredskapsfunksjon for å støtte leiinga i krise- og hendingshandtering.
Seksjon for operativ sikringsteneste (OS)
Seksjon for operativ sikringsteneste (OS) utfører operative vakt- og sikringstenester baserte på løpande risikovurderingar. Tenesta er døgnkontinuerleg og utførast av vaktlag i turnus.
Seksjon for spesialiserte sikringstenester (SST)
Seksjon for spesialiserte sikringstenester (SST) utfører operative og spesialiserte vakt- og tryggleikstenester for departementa, regjeringa sine representasjonsanlegg, statsministerbustaden og Høgsterett.
Seksjon for teknisk sikring (SIK)
Seksjon for teknisk sikring (SIK) har ansvar for sikringsteknisk analyse og rådgiving samt for prosjektering og implementering av tekniske og elektroniske sikringssystem i departementsfellesskapet, i tillegg til forvaltning, drift og vedlikehald av sikringsløysingane.
Avdeling for spesialiserte tenester (AST) bistår med anskaffingar og fellesavtalar for DSS og departementa, leverer omsetjingar av EU- og Schengenregelverk samt oppdrag for UD og SMK, og tilbyr fellestenester som bedriftshelseteneste og sentralbord.
Statens servicesenter i Engerdal (SSiE)
Statens servicesenter i Engerdal (SSiE) tilbyr sentralbord- og kundesentertenester til 32 statlege etatar og verksemder.
Seksjon for bedriftshelsetenester (BHT)
Seksjon for bedriftshelsetenester (BHT) arbeider med å redusere risiko for psykiske og fysiske helseplager og styrkje arbeidshelse og arbeidsglede gjennom rådgiving og relasjonsarbeid, organisasjonslæring, fysisk aktivitet og ergonomi.
Seksjon for anskaffingar og omsetjingar (ANO)
Seksjonen gir bistand til anskaffingar og inngår fellesavtalar for DSS og departementa, leverer omsetjingar av EU-regelverk og Schengenregelverk, samt utfører omsetjingsoppdrag for UD og SMK.
Departementsakademiet skal styrkje fellesdepartemental kompetanse for oppgåver i skjeringspunktet mellom fag og politikk, og fremje samordning og tverrsektorielt samarbeid.